Y Pwyllgor Menter a Busnes
Dyddiad: 12 Hydref
2011
Amser:
10.00 hyd 11.00 am
Teitl:
Papur tystiolaeth ar y Gyllideb Ddrafft:
Agweddau ar Adfywio ym mhortffolio'r Gweinidog Tai, Adfywio a
Threftadaeth
Cyflwyniad
- Mae'r papur hwn yn darparu gwybodaeth ariannol gefndirol i'r
Pwyllgor mewn perthynas â chynlluniau gwariant y dyfodol ar
gyfer rhan Adfywio portffolio'r Gweinidog, fel a amlinellir yn y
Gyllideb Ddrafft. Mae adfywio strategol, adfywio ffisegol ac
adfywio etifeddol yn rhan o orchwyl y Pwyllgor
hwn. Mae'r agweddau eraill ar
bortffolio'r Gweinidog, sef Tai a Threftadaeth, yn rhan o
orchwyl y Pwyllgor Cymunedau, Cydraddoldeb a Llywodraeth
Leol.
- Mae Atodiad
A yn cynnwys dadansoddiad o'r Gyllideb Ddrafft ar gyfer y llinellau
Adfywio fesul Cam Gweithredu, a fesul Llinell Wariant y Gyllideb
(BEL) ar gyfer pob Cam Gweithredu.
Trosolwg o'r Gyllideb
- Gellir
crynhoi ffigurau'r gyllideb ddrafft ar gyfer Adfywio fel a
ganlyn:
Maes y Rhaglen
Wariant
|
Llinell sylfaen
2011-12
£’000
|
Cyllideb
Ddrafft
2012-13
£’000
|
Cynlluniau Dangosol
2013-14
£’000
|
Cynlluniau Dangosol
2014-15
£’000
|
Refeniw
|
14,489
|
14,336
|
14,397
|
14,397
|
Cyfalaf
|
55,343
|
51,477
|
45,888
|
45,888
|
|
|
|
|
|
Cyfanswm
|
69,832
|
65,813
|
60,285
|
60,285
|
- Bu'r broses
o bennu'r gyllideb eleni yn un llai manwl. Roedd y cylch
cynllunio'r gyllideb a gafodd ei gynnal y llynedd yn un
cynhwysfawr, gan fod rhaid torri cyllidebau arfaethedig. Roedd y
toriadau a wnaed i'r cyllidebau cyfalaf yn arbennig yn rhai
sylweddol.
- Un newid yn
unig a wnaed i'r cynllun 3 blynedd a gafodd ei amlinellu yng
nghylch cynllunio'r gyllideb y llynedd. Er mwyn cefnogi ymrwymiadau a wnaed eisoes mewn perthynas ag
Awdurdod Harbwr Bae Caerdydd, cafodd £0.3 miliwn o gyllid ar
gyfer 2012-13 a £0.1 o gyllid ar gyfer 2013-14 ei drosglwyddo
o'r Cam Gweithredu Rhoi Ardaloedd Adfywio Strategol ar Waith
i'r Cam Gweithredu Rheoli'r Broses Adfywio Etifeddol.
O ganlyniad, mae'r gyllideb hon wedi cael ei chario ymlaen i
2014-15.
Y Rhaglen
Lywodraethu
- Mae rhaglen
adfywio Llywodraeth Cymru yn cynnwys cyfres integredig o gamau
gweithredu a buddsoddiadau a dargedir sydd wedi’u cynllunio i
atal y dirywiad yn ardaloedd difreintiedig Cymru a sicrhau bod yr
ardaloedd hynny yn cael eu hadnewyddu mewn modd
cynaliadwy.
- Mae ein
cyllideb yn rhannu yn unol â'r llinellau
canlynol:
Rhoi
Ardaloedd Adfywio Strategol ar Waith
- Mae ein
cyllidebau ar gyfer Ardaloedd Adfywio yn cefnogi cyfres o ymyriadau
â ffocws, wedi'u cynllunio ar gyfer ardaloedd penodol, mewn
rhannau o Gymru lle yr ydym o'r farn y gallwn gydweithio ag
asiantaethau lleol i fynd i'r afael ag angen difrifol, gan gynnwys,
yn benodol, achosion lle ceir mwy nag un math o amddifadedd. Rydym
yn gweithio gyda phartneriaid ar draws y sectorau cyhoeddus,
preifat a gwirfoddol i ddatblygu a chyflwyno cynlluniau gweithredu
cydgysylltiedig a chyfannol i fynd i'r afael ag anghenion lleol a
chyfleoedd a geir yn lleol, gan ddefnyddio ein cyllid i ysgogi
buddsoddiad ychwanegol. Ar hyn o bryd, mae gennym saith Ardal
Adfywio (Blaenau'r Cymoedd, Cymoedd y Gorllewin, Môn a Menai,
Arfordir Gogledd Cymru, Aberystwyth, Abertawe a'r Bari). Caiff
buddsoddiadau o'n Hardaloedd Adfywio eu defnyddio fel arian
cyfatebol ar gyfer prosiectau a ariennir gan Ewrop; mae'r prosiect
mwyaf o’u plith yn rhan o Barc Rhanbarthol y Cymoedd, sef
partneriaeth yr ydym yn ei chynnal ar ran mwy na 40 o
sefydliadau.
Rheoli'r
Gwaith o Sefydlu Ardaloedd Adfywio Etifeddol
- Rydym hefyd
yn darparu cyllid ar gyfer dau brif faes â blaenoriaeth
arall, sef:
·
Newport Unlimited - cyllid ar gyfer yr unig Gwmni Adfywio
Trefol (URC) yng Nghymru, sef cwmni y mae Llywodraeth Cymru a
Chyngor Dinas Casnewydd yn berchen arno ar y cyd. Cafodd URC ei
sefydlu yn 2003 i weithio gyda'r sector cyhoeddus a'r sector
preifat i wireddu newid ffisegol sylweddol ac i gryfhau economi
Casnewydd drwy brosiectau adfywio i wella'r dirwedd, creu swyddi
newydd, denu buddsoddiad a sicrhau bod y ddinas yn llewyrchus yn y
dyfodol;
·
Awdurdod Harbwr Caerdydd - cyllid ar gyfer Cyngor Caerdydd i
sicrhau bod yr ardal ym Mae Caerdydd a reolir gan Awdurdod yr
Harbwr yn cael ei chynnal a'i chadw i safon ddiogel, a bod yr ardal
yn gweithredu mewn modd diogel, yn unol â goblygiadau
statudol Awdurdod yr Harbwr o dan Ddeddf Morglawdd Bae Caerdydd
1993.
- Mae'r
llinell yn y gyllideb ar gyfer Ardaloedd Adfywio Etifeddol dros
gyfnod y Cynllun 3 blynedd, o £8.2 miliwn i £8 miliwn
(refeniw), ac o £3.4 miliwn yn 2011/12 i £2 miliwn yn
2014/15 (cyfalaf) fel rhan o'r toriadau arfaethedig i'r cyllid ar
gyfer Awdurdod Harbwr Caerdydd (refeniw) a Newport Unlimited
(cyfalaf). Bydd y rhaglen ar gyfer Newport Unlimited yn dod i ben
yn 2013/14, felly ffigur wrth gefn yw'r dyraniad ar gyfer 2014/15
ar hyn o bryd.
Groundwork
Cymru ac Ymddiriedolaethau Adfywio'r Meysydd Glo
- Rydym yn
darparu cyllid craidd i Groundwork Cymru ac Ymddiriedolaethau
Adfywio'r Meysydd Glo. Ceir mwy o eglurhad o swyddogaethau'r
sefydliadau hyn ar eu gwefannau
-http://www.wales.groundwork.org.uk/ a
http://www.coalfields-regen.org.uk/contactingus/wales/. Mae hyn yn
gyfanswm o £1.1 miliwn o refeniw, a £0.250 miliwn o
gyfalaf yn 2011/12. Mae'r sefyllfa ar gyfer cyfnod y Cynllun yn
cael ei hadolygu ar hyn o bryd.
Cyllid
Cyfalaf Cyffredinol Awdurdodau Lleol
- Yn y
cyllidebau Adfywio, ceir llinell ar gyfer cyllid cyfalaf
cyffredinol awdurdodau lleol, sy'n gyfanswm o £11.577 miliwn
yn 2012-13. Nid yw'r cyllid wedi ei neilltuo, ac o ganlyniad, wedi
iddo gael ei ddosbarthu i'r awdurdod lleol fel rhan o'r setliad
llywodraeth leol, ni allwn gyfarwyddo'r modd y caiff ei
ddefnyddio.
Edrych
ymlaen
- Wrth i'n
cyllidebau cyfalaf leihau, rydym yn gweithio'n agos gyda’n
partneriaid i sicrhau ein bod yn nodi'r buddsoddiadau strategol a
fydd yn gwneud gwahaniaeth go iawn, ac a fydd yn sicrhau bod
cynifer â phosibl o gyfleoedd eraill i gael cyllid, er mwyn
cynnal y momentwm o newid yn ein Hardaloedd Adfywio.